1. Зөвхөн м²-ийн үнээр харьцуулах 

Орон сууц сонгохдоо хамгийн түрүүнд “1 м² нь хэд вэ?” гэж асуух нь түгээмэл. Гэхдээ бага м²-ийн үнэ заавал илүү ашигтай сонголт гэсэн үг биш. 

• Байршил
• Өрөөний зохион байгуулалт
• Ашигтай талбай
• Цонхны байршил, нарны тусгал
• Тагт, агуулах зэрэг нэмэлт орон зай
• Автомашины зогсоол
• Орчны тохижилт
• Хүүхдийн тоглоомын талбай
• Сургууль, цэцэрлэг, үйлчилгээний хүртээмж
• Барилгын ашиглалтын зардал зэрэг хүчин зүйлсийг хамтад нь авч үзэх нь зүйтэй.

"Морьтон Residence"-ийн хувьд 68–122 м² хэмжээтэй 3–4 өрөөний сонголтуудтай бөгөөд орон сууцны дотоод төлөвлөлтөөс гадна хотхоны нийт орчны шийдлийг хамтад нь төлөвлөсөн. Тухайлбал, барилгуудын хооронд 45 метрийн зай төлөвлөсөн нь орон зайн мэдрэмж, агаар сэлгэлт, нарны тусгалд эерэгээр нөлөөлөх шийдэл юм.

2. Байршлыг зөвхөн “төвөөс хэр хол вэ?” гэж үнэлэх

Байршил гэдэг нь газрын зураг дээрх цэгээс илүү өргөн ойлголт. Өдөр тутамдаа: Гэрээс ажил → сургууль/цэцэрлэг → худалдаа, үйлчилгээ → гэр гэсэн маршрутаар хэр их цаг зарцуулах вэ гэдэг нь амьдралын чанарт шууд нөлөөлнө. 

Тиймээс байр сонгохдоо тухайн орчны: 

• Нийтийн тээврийн хүртээмж 
• Сургууль, цэцэрлэг 
• Худалдаа, үйлчилгээ 
• Аюулгүй тоглоомын талбай, ногоон байгууламж 
• Ирээдүйн бүтээн байгуулалт зэргийг судлах хэрэгтэй. 

"Морьтон Residence" нь Зайсан толгойн зүүн талд, Америк сургуулийн ойролцоо байрладаг бөгөөд хотын төвийн хэт нягтарсан орчноос харьцангуй тусдаа, амьдрах орчныг чухалчилсан байршлын давуу талтай. 

3. Зөвхөн байрны доторх орчныг харж, хотхоныг орхигдуулах 

Шинэ байр үзэхдээ гал тогоо, зочны өрөө, унтлагын өрөөний хэмжээг нарийвчлан хардаг ч “Энд би өдөр тутамдаа ямар орчинд амьдрах вэ?” гэдгийг орхигдуулах тохиолдол байдаг.

Гэтэл орон сууцны үнэ цэнийг зөвхөн дөрвөн хананы доторх талбай биш, түүнийг хүрээлж буй орчин тодорхойлдог. Хотхонд:

• Машины хөдөлгөөн хэр их вэ?
• Хүүхэд тоглох аюулгүй орчин бий юу?
• Ногоон байгууламж хэр хангалттай вэ?
• Оршин суугчид алхах, амрах орон зайтай юу?
• Гэрийн тэжээвэр амьтантай хүмүүсийн хэрэгцээг шийдсэн үү? гэх мэт асуултыг тавих хэрэгтэй.

"Морьтон Residence" нь нийт талбайн 73%-ийг тохижилтод төлөвлөж, автомашины хөдөлгөөнийг хязгаарласан орчин бүрдүүлэхийн зэрэгцээ Kompan тоглоомын талбай, нохой салхилуулах хэсэг, ширээний теннис, шатар зэрэг оршин суугчдын өдөр тутмын хэрэгцээнд чиглэсэн орчны шийдлүүдийг тусгасан.

4. Зогсоолын асуудлыг дараа нь бодох 

“Байр авчихъя, зогсоолоо дараа нь шийднэ” гэдэг нь дараа нь хамгийн их хүндрэл дагуулдаг шийдвэрүүдийн нэг байж болно.

Ялангуяа гэр бүлд нэгээс дээш автомашин ашигладаг бол зогсоолын хүртээмж, байршил, үнэ, ашиглах нөхцөлийг байр худалдан авах шийдвэртэйгээ хамт тооцох хэрэгтэй.

"Морьтон Residence" нь B1, B2 түвшинд нийт 345 автомашины зогсоолтой бөгөөд орон сууцны сонголтын зэрэгцээ зогсоолын хэрэгцээгээ урьдчилан төлөвлөх боломжтой.

5. Барилгын чанарыг зөвхөн өнгө үзэмжээр дүгнэх

Шинэ байрны интерьер, фасад, лобби нь хамгийн түрүүнд анхаарал татдаг. Гэхдээ орон сууцны бодит чанар нь харагдах өнгөлгөөнөөс илүү өргөн ойлголт. Худалдан авагч дараах зүйлсийг тодруулах хэрэгтэй. 

• Дотор болон гадна заслын ямар брэндийн, ямар материалууд ашигласан бэ ? 

Энэ нь орон сууц сонгохдоо “гоё харагдаж байна уу?” гэдгээс илүү “энд амьдрахад ямар шийдлүүд бодитоор хэрэгжсэн бэ?” гэдгийг албан ёсны эх сурвалжаас тодруулах нь хамгийн чухал. 

6. Зөвхөн өнөөдрийн үнээр шийдвэр гаргах 

Орон сууц бол богино хугацааны хэрэглээний бүтээгдэхүүн биш. Тиймээс худалдан авах үеийн үнэ төдийгүй ирээдүйн үнэ цэн-ийг тооцох нь чухал.

Байршил, хотхоны төлөвлөлт, барилгын чанар, орчны тохижилт, үйлчилгээний хүртээмж, эрэлт зэрэг нь тухайн үл хөдлөх хөрөнгийн үнэ цэнд урт хугацаанд нөлөөлнө. Иймээс “өнөөдөр хэдээр авч болох вэ?” гэдгээс гадна: “5–10 жилийн дараа энэ байр ямар үнэ цэнтэй хэвээр байх вэ?” гэж өөрөөсөө асуух хэрэгтэй.

Тэгвэл зөв байр сонгохын тулд юуг шалгах вэ?

Шинэ байр худалдан авахаасаа өмнө дараах 7 асуултыг өөртөө тавиарай.

01. Байршил – Миний өдөр тутмын амьдралд хэр тохиромжтой вэ?

02. Төлөвлөлт – Миний гэр бүлийн хэрэгцээнд тохирох уу?

03. Чанар – Барилгын материал, инженерийн шийдэл ямар түвшинд вэ?

04. Орчин – Зөвхөн байр биш, хотхон бүхэлдээ ямар орчин бүрдүүлсэн бэ?

05. Зогсоол – Миний автомашины хэрэгцээг хангах уу?

06. Санхүү – Нийт төлбөр болон цаашдын ашиглалтын зардлаа тооцсон уу?

07. Ирээдүйн үнэ цэн – Энэ байр хэдэн жилийн дараа ч үнэ цэнтэй хэвээр байх уу?

Морьтон Residence — Байрнаас илүү амьдрах орчин

Орон сууц худалдан авах зөв шийдвэр гэдэг нь хамгийн хямд эсвэл хамгийн том талбайтай байр сонгох тухай биш.

Таны гэр бүлд хэрэгтэй орон зай, аюулгүй байдал, тав тух, чанар, байршил болон ирээдүйн үнэ цэнийг нэг дороос харж чаддаг байх нь зөв сонголтын үндэс юм.