Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-ын хүрээнд зохион байгуулагдсан “Шударга шилжилтийн замд: Аж үйлдвэр, хөдөлмөрийн салбар, хүний эрхэд суурилсан ирээдүйг нэгтгэх өөрчлөлтийн төлөөх манлайлагчид” сэдэвт хэлэлцүүлэгт ЭФЭС Констракшн ХХК-ийн Хүний нөөцийн менежер Э.Баяржаргал панелистаар оролцож, барилгын салбарт Хүний эрхийн магадлан шинжилгээ (ХЭМШ) хийлгэсэн туршлага, түүний мөрөөр байгууллагадаа хэрэгжүүлж буй бодит өөрчлөлтийн талаар хуваалцлаа.

Тус хэлэлцүүлгийг Хот байгуулалт, барилга, орон сууцжуулалтын яам Европын Холбооны санхүүжилтээр НҮБ-ын Хөгжлийн хөтөлбөртэй хамтран зохион байгуулж, эдийн засгийн өсөлт, үйлдвэрлэлийн хөгжлийг байгаль орчин, хүний эрх, хариуцлагатай бөгөөд тогтвортой бизнесийн үйл ажиллагаатай хэрхэн уялдуулах талаар төр, хувийн хэвшил, мэргэжлийн холбоод, олон улсын байгууллагын төлөөллүүд санал солилцов.